KANGEN LOMBOK

Kangen Lombok

By : Agus Hamdani

jelo rebo jelo kemis
atengko galo marak irapko yak nangis
jerowaru keruak telong-elong
bilang aru ndarak gitak jual celilong

serabi pesor antap komak
sepi gati selese zohor ingetko inaq
amak tuak selapuk batur
berembe kabar pisak meletko tetutur

peken keruak peken jor
angenko nyurak leman johor
musim ujan musim sie
maaf ndek man mauk ngirim leman malaysie

daun puntik antap belo
yak ko matik nasihat inak bilang jelo
bangket embung parak sie
berajah nabung mulai lek nane

malaysie jaok laikko mete
ngirit irup gawek sak bergune
meletko aru lampak ulek
sedang pegaweanko lek te maseh luek

sikur bertais pagesangan
hibur dirik tahen tangis lek rantoan
aku belombok maseh jaok
laguk tetep lombok lek ate embe pun taok

berombok toak berombok umur
jelo erak mudahan lombok lebih makmur
aku titip salam tipak selapuk
titip salam kanak lauk.

Tonton Videonya Di Youtube Yuk > KLIK DI SINI